CONCOURS GÉNÉRAL DES LYCÉES – SESSION DE 2015
(Classes de première ES, L et S)
Durée: 4 heures
Seul le dictionnaire latin-français est autorisé
Julie, fille d’Auguste et femme de caractère…
Mariée à quatorze ans à Marcellus, elle devint veuve et fut remarié à seize ans, pour raison d’État, avec Agrippa, qui en avait plus de quarante. Spirituelle et enjouée, vivante antithèse de Livie, dernière épouse de l’Empereur Auguste, Julie fut accusée de toutes les turpitudes. Macrobe, grammairien du Ve s. ap. J.-C., en dresse un portrait plus mesuré.
Annum agebat tricesimum et octauum, tempus aetatis, si mens sana superesset, uergentis in senium : sed indulgentia tam fortunae quam patris abutebatur, cum alioquin litterarum amor multaque eruditio, quod in illa domo facile erat, praeterea mitis humanitas minimeque saeuus animus ingentem feminae gratiam conciliarent, mirantibus qui uitia noscebant tantam pariter diuersitatem. Non semel praeceperat pater, temperato tamen inter indulgentiam grauitatemque sermone, moderaretur profusos cultus perspicuosque comitatus. Idem cum ad nepotum turbam similitudinemque respexerat qua repraesentabatur Agrippa, dubitare de pudicitia filiae erubescebat. Inde blandiebatur sibi Augustus laetum in filia animum usque ad speciem procacitatis, sed reatu liberum […]. Itaque inter amicos dixit duas habere se filias delicatas, quas necesse haberet ferre : rem publicam et Iuliam.
Venerat ad eum licentiore uestitu, et oculos offenderat patris tacentis. Mutauit cultus sui postera die morem, et laetum patrem affectata seueritate complexa est. At ille, qui pridie dolorem suum continuerat, gaudium continere non potuit, et : « Quantum hic, ait, in filia Augusti probabilior est cultus ! » Non defuit patrocinio suo Iulia his uerbis : « Hodie enim me patris oculis ornaui, heri uiri. »
Notum et illud. Aduerterant in se populum in spectaculo gladiatorum Liuia et Iulia comitatus dissimilitudine, quippe cingentibus Liuiam grauibus uiris, haec iuuentutis et quidem luxuriosae grege circumsedebatur. Admonuit pater scripto videret quantum inter duas principes feminas interesset. Eleganter illa rescripsit : « Et hi mecum senes fient ».
Macrobe, Saturnales, II, 5, 2-6
